Sagalicha Dhiigicha Hafuuricha

Header Image

The Word the Blood the Spirit

Warri Waaqayyoon sodaatan caalanii argamu!

Daniel 1:19-20 (lallaba daggeeffadhu)

Warri Waaqayyoon beekan sagalee isaatiin ni guutamu. Jireenyi isaaniis saglee isaan keessa jiru iraa kan ka’e Yaada Waaqayyoo filachaa jiraatu. Biyyuma ormaa keessatti ilee, haaluma hin mijanne keessatti illee moo’icha guddaadhaan deddeebi’u. Tooftaan Baabiloon oftuulummaan nama guutuu, filannoo namaa geddaruu, maqaa namaa geddaruu, ilaalcha namaa geddaruu fi akka ofii isaatiitti akka namni yaadu gochuu dha. Namni ugummaa Baabiloon kana injifatee fi mo’ee jiraachuu danda’u, warra sagaleen Waaqayyoo jireenya isaanii wajjin walfudhatee jiru qofaa dha.

Ani yeroo Waaqayyoof of dhiyeesitee yaada isaa tajaajiluuf murteeffattu, Waaqayyo immoo eebba ati hin abjootiniin si guuta. Olaantummaa isa oftuulummaa foonniitiin hin taanee fi ogummaa isa kan ogeesota hundumaa caaluun si guuta. Jalqabni ogummaa Waaqayyoon sodaachuu yoo ta’u, warra isa qabaniif gosti ogummaa hafe hunduu kan isaanii ta’a.

Ogummaan Waaqaayyo biraa argame, ogummaa ogeessota biyya lafaa kanaa ni liqimsa. Waaqayyo warra isa amanatan karaa hundumaa milkoomina kennaaf.

Atis Waaqaayyoon dhaggeeffadhu, dubbii isaa jireenya kee keessatti iddoo kenniif, inni immoo biyya salphinaa keessatti iyyuu ulfina guddaadhaaf si godhaa.

Mee yaada kana sirriitti dhaga’yuu yoo feete, sagalee waraabame kana harcaafadhuutii dhaggeeffadhu.

Free Afan Oromo audio download

Waaqayyo isin haa eebbisu!

Fuula kana daawwachuu keessaniif galatoomaa!

yaada ykn gaaffii yoo qabaattan nu qunnamaa:

Takiluu T. Guutaa

E-mail: [email protected]

Waaqayyo si jaallata

Waaqayyo si jaallata

Ati Eessa?

Ati Eessa?